Пятница, 16.11.2018, 04:18
Приветствую Вас Гость | RSS

Муниципальное бюджетное общеобразовательное учреждение "СОШ с. Петрунь"


Меню сайта
Наш опрос
Оцените мой сайт
Всего ответов: 35
Статистика

Онлайн всего: 1
Гостей: 1
Пользователей: 0

История школы

Петрунь сиктса шöр школа. 1910 восянь талунöдз. 

Шыпасӧн тодмасисны ёна водзджык 1910 воын менам чужан Петрунь сиктын воссис школа. Сідзкӧ,2015 вося ӧшымӧ кутас пасйыны 105 во. Дерт, абу 140 либӧ 150, но ӧд и сиктыслы сӧмын на 145 во. Усвалӧн джуджыд креж вылын меститчӧма Петрунь сикт. Лунӧ бана войвывсалы лӧсялана куд кодь керкаяса, тӧвнас лым толаяс пытшкын, тулыс-гожӧмын шонділы нюмъялана. 1909 воын татчӧс олысьяс шыӧдчисны чиновник Н.Н.Мамадышский дорӧ корӧмӧн, медым сиктын восьтісны школа. 1910 воын Александр да Григорий Хозяинов вокъяс керкаын волі восьтӧма школа, шусис «Болбанское одноклассное сельское училище.» (Петрунь сиктлӧн важ нимыс Бӧлбан).Велӧдчысьыс волі 11 морт, унджыкыс детинкаяс. А коді Петруньын оз тӧд сы йылысь, мый шыпасъясӧн тані тӧдмасисны парта сайӧ пуксьытодз ёна водзджык? Медводз татчӧ овмӧдчисны нёль вок, а витӧд Васильӧй вокныс локтіс сёрӧнджык, Петербургын служитӧм бӧрын.Вайӧдіс тшӧтш роч гӧтырыс, коді кужис гижны да лыддьысьны. Тані сылы, дерт, рочасьны вӧлі некодкӧд, и том ань регыд велаліс сёрнитны комиӧн.Ёна кутіс радейтны челядьӧс, тшӧкыды ворсіс накӧд, а медрадейтана вӧлі школаысь ворсӧм. Тетрадьнас вӧлі шонді улын дзирдалысь лым, а карандашнас –бадь ньӧр.Челядь велӧдысьныс моз жӧ лым вылӧ гижисны шыпасъяс-аз, буки, веди, глаголь… А сюсьджыкъяс да тӧлкаджыкъяс весиг вермисны гижны «Храни Боже». 1910 воын воссьӧм школаын медводдза велӧдысьӧн вӧлі И.В.Бабушкин-локтӧм роч морт, но бура кужис сёрнитны комиӧн. Нёль во велӧдчысьяс йӧршитчисны то ӧтилаын, то мӧдлаын, эз вӧв школалӧн аслас керка. И со 1914 воын вичколӧн корӧм серти сиктын заводитісны стрӧитны школа улӧ стрӧйба. Ыджыд пай таӧ пуктіс Иван Николаевич Сорвачёв, сиктын зэв пыдди пуктана морт. Тайӧ керкаыс пыр на сулалӧ Петрунь шӧрын.Школаыс кутіс шусьыны «Четырёхклассная начальная школа». Велӧдчысьыс воысь-во пыр содіс. Кӧр видзысьяс кутісны сетны челядьсӧ школаӧ, и быть ковмис восьтыны интернат. 1926 воын школа кутіс шусьыны «Болбанская единая трудовая школа». 1932-ын-«Школа трудовой молодёжи». 1966 воын-«Петруньская восьмилетняяшкола», а 1987 восянь восьтісны шӧр школа. 2001 воын лои гимназия. Дыр кад чӧж школа да интернат вӧліны торъя керкаясын. И 1969 воын кыпӧдісны кык судта стрӧйба, кӧні лои и спортзал , и мастерсӧйяс, и югыд классъяс, а сэсся сы бердӧ лэптісны и интернат. Велӧдысьясыс ставныс вӧліны локтӧм йӧз. Иван Васильевич Бабушкинысь ӧтдор уджаліс Пётр Павлович Поликин. Николай Григорьевич Шиханов ордӧ сувтлывліс коми гижысь Я.М. Рочев, коді велӧдіс челядьӧс Абезьын. Уна во директораліс Анна Фотиевна Канева, кодлысь уджсӧ пасйӧма Трудӧвӧй Гӧрд Знамя орденӧн. Талун Петруньса школаын тӧдӧмлун босьтӧны 35 ныв-зон. Петруньса школалы 105 во-школалὅн история, велὅдысьяс, юрнуὅдысьяс и Петруньса школа талун. Петруньса школаын медуна велὅдчысь лыдыс вὅлί - 250 морт. Медыджыд классыс вὅлί - 36 морт. Уджалίсны 26 велὅдысь 4 пос мыськысь, интернатын – 3 воспитатель, 2 войся воспитатель, паськὅм мыськысь, завхоз, пусьысь, тасьтί - пань мыськысь. Öнί миян школаын 35 велὅдчысь. Квайт морт велὅдчὅны сὅмын «5» вылὅ: Диана Рочева -11 класс, Ваня Терентьев – 9 класс, Хозяинов Тимур – 8 класс, Филиппова Наташа – 5 класс, Филиппова Саша – 5 класс и Филиппова Ксюша – 4 класс. 25 морт велὅдчὅны 4-5 вылὅ. 1 классын велὅдчὅны 2 морт, 11 классын – 2 морт. Мед -ыджыд классыс – 10 класс. Сэнί 9 морт. Школаын уджалὅны кружокъяс да спортивнὅй секцияяс. Быд предметысь эм аслас кабинет, кὅнί эм став коланторйыс: небὅгъяс, компьютер, проектор, экран, таблицаяс, энциклопедияяс. Эм компьютернὅй класс, кὅнί эм электроннὅй дὅска, принтеръяс и сканеръяс. Школаын эм ичὅтик музей, кὅнί ὅшалὅны быд сикас стендъяс.

Вход на сайт
Поиск
Календарь
«  Ноябрь 2018  »
ПнВтСрЧтПтСбВс
   1234
567891011
12131415161718
19202122232425
2627282930
Copyright MyCorp © 2018
Бесплатный хостинг uCoz